ایران میں امریکی و اسرائیلی حملہ، بجلی کی تنصیبات تباہ اور فراہمی منقطع

تہران (ڈیلی اردو) ایران کی وزارت توانائی کے مطابق دارالحکومت تہران میں بجلی کی تنصیبات پر حملے کے نتیجے میں ملک کے دو صوبوں تہران اور البرز کے کچھ حصوں میں بجلی کی فراہمی منقطع ہوگئی ہے۔

نائب وزیرِ توانائی مصطفیٰ رجبی مشہدی نے سرکاری ٹی وی پر کہا ہے کہ کرج شہر کے باہر ایک شارپنل بجلی کے ایک بڑے کھمبے سے ٹکرا ہے۔

کرج تہران کے شمال مغرب میں صوبہ البرز میں واقع ہے۔

اس سے قبل ایک ذریعہ نے شہر میں بجلی کی فراہمی میں تعطل کی اطلاع دی تھی۔

مشہدی کا مزید کہنا تھا کہ ’آج رات ہونے والے حملوں کی وجہ سے مشرقی تہران میں ایک پاور ٹرانسمیشن کا سب سٹیشن تباہ ہو گیا ہے۔‘ تاہم انھوں نے لوگوں کو تسلی دی کہ انھیں ’پریشان ہونے کی ضرورت نہیں۔‘

ایرانی حکام کا کہنا ہے کہ اس معاملے کو حل کرنے کی کوششیں جاری ہیں۔