ایران نے خامنہ ای کے خون کا بدلہ لینے کا اعلان کر دیا

تہران (ڈیلی اردو)ایران کی سپریم نیشنل سکیورٹی کونسل نے آیت اللہ علی خامنہ ای کے ’خون کا بدلہ‘ لینے کا اعلان کر دیا۔

ایران کی سپریم نیشنل سکیورٹی کونسل کی جانب سے جاری ایک بیان میں کہا گیا ہے کہ آیت اللہ علی خامنہ ای کے ’خون کا بدلہ‘ ان کے قاتلوں سے ضرور لیا جائے گا۔

یہ پیغام سپریم نیشنل سکیورٹی کونسل کے سیکرٹری محمد باقر ذوالقدر کے دستخط سے سوشل میڈیا پلیٹ فارم ایکس پر جاری کیا گیا۔

یاد رہے کہ ایران کے رہبرِ اعلیٰ آیت اللہ علی خامنہ ای 28 فروری کو ایران پر ہونے والے امریکی اور اسرائیلی حملوں کے پہلے روز ہلاک ہوگئے تھے۔ ان حملوں میں ان کے خاندان کے بعض افراد سمیت ایران کے متعدد اعلیٰ حکام بھی ہلاک ہوئے تھے۔

ایرانی میڈیا کے مطابق آیت اللہ علی خامنہ ای کی تدفین کی تقریبات 4 سے 8 جولائی تک تہران، قم اور مشہد میں منعقد ہوں گی، جبکہ عراق کے بغداد، کاظمین، کربلا اور نجف میں بھی سوگ کی تقریبات کا انعقاد کیا جائے گا۔