ایران ہر قیمت پر اپنا دفاع کرے گا، سکیورٹی چیف لاریجانی

تہران (ڈیلی اردو) ایران کی سپریم نیشنل سکیورٹی کونسل کے سربراہ علی لاریجانی نے کہا ہے کہ ایران طویل جنگ کے لیے پوری طرح تیار ہے، جب کہ ان کے مطابق امریکہ ’’ایسی صورت حال کا سامنا کرنے کی حالت میں نہیں۔‘‘

پیر کو سوشل میڈیا پلیٹ فارم ایکس پر اپنے ایک بیان میں لاریجانی نے کہا:“ہم اپنی چھ ہزار سالہ تہذیب اور سرزمین کا ہر قیمت پر بھرپور دفاع کریں گے اور دشمن کو اس کے غلط اندازوں پر پچھتانے پر مجبور کر دیں گے۔”

اس سے قبل پیر ہی کو ایک اور پوسٹ میں انہوں نے اعلان کیا تھا:“ہم امریکہ کے ساتھ مذاکرات نہیں کریں گے۔”

لاریجانی کے یہ بیانات ایسے وقت سامنے آئے ہیں جب خطے میں عسکری تناؤ بدستور قائم ہے اور ایران کا دعویٰ ہے کہ وہ اپنے خلاف کسی بھی جارحیت کا بھرپور جواب دینے کی صلاحیت رکھتا ہے۔