باجوڑ میں 2 دھماکے، 3 افراد ہلاک، 2 افراد زخمی، داعش نے دھماکوں کی ذمہ داری قبول کرلی

خار (نمائندہ ڈیلی اردو) خیبرپختونخوا کے قبائلی ضلع باجوڑ میں ایک دن میں دو دھماکے ہوئے، اس دوران تین افراد ہلاک جبکہ دو افراد زخمی ہو گئے۔

تفصیلات کے مطابق ضلع باجوڑ میں پہلا دھماکہ مامینزو میں ہوا جس میں سبز علی خان نامی شخص شدید زخمی ہوا، زخمی سبز علی کو فوری طبی امداد کیلئے ہیڈ کوارٹر ہسپتال منتقل کیا گیا جہاں وہ زخموں کی تاب نہ لاتے ہوئے چل بسا۔

https://twitter.com/ShabbirTuri/status/1727307534057570725?t=qveeqoZXAyxh2RYlWOc0Cw&s=19

ضلع باجوڑ کی تحصیل ماموند کے علاقے ڈمہ ڈولہ میں دوسرا دھماکہ ہوا، جس میں عبد الستار نامی شخص موقع پر ہی ہلاک ہو گیا۔ جبکہ نیاز مین، ابراہیم اور مندرو حاجی شدید زخمی ہوئے۔ زخمیوں کو ہیڈ کوارٹر ہسپتال منتقل کردیا گیا۔

مقامی صحافی بلال یاسر کا کہنا ہے کہ حاجی ستار خان کے بعد ان کے زخمی ساتھی حاجی ابراہیم بھی زخموں کے تاب نہ لاتے ہوئے جان کی بازی ہار گئے۔

باجوڑ ، ڈمہ ڈولہ ماموند بم دھماکے ایک اور زخمی چل بسا۔ مرنے والوں کی تعداد دو ہوگئ ۔ حاجی ستار خان کے بعد ان کے زخمی ساتھی حاجی ابراہیم بھی زخموں کے تاب نہ لاتے ہوئے جان کی بازی ہار گئے ۔ #باجوڑ_کو_امن_دو pic.twitter.com/mACzfZGiMj

— Bilal Yasir (@BilalYasirBjr) November 22, 2023

پولیس حکام کا کہنا تھا کہ بم کو راستے میں نصب کیا گیا تھا، جائے وقوعہ پر پہنچ کر پولیس نے تحقیقات شروع کردیں۔

عبد الستار جنازے سے واپس آرہے تھے کہ انہیں نشانہ بنایا گیا۔ یاد رہے کہ عبد الستار کے بیٹے مولانا عبد السلام کو چند عرصہ قبل بم دھماکہ میں ہلاک ہوگئے تھے۔

عالمی شدت پسند تنظیم داعش نے اِن دھماکوں کی ذمہ دری قبول کی ہے۔

واضح رہے کہ کچھ عرصہ قبل باجوڑ میں ایک جلسے کے دوران خودلش دھماکہ ہوا تھا جس کے نتیجے میں درجنوں افراد ہلاک ہو گئے تھے۔