باجوڑ میں سیکیورٹی فورسز کا آپریشن، داعش کمانڈر سمیت 3 دہشت گرد ہلاک

راولپنڈی (ڈیلی اردو) خیبرپختونخوا کے قبائلی ضلع باجوڑ کے علاقے عنایت قلعہ میں سیکیورٹی فورسز نے خفیہ اطلاع پر کارروائی کرتے ہوئے داعش خراسان کے کمانڈر سمیت 3 دہشت گردوں کو ہلاک کردیا۔

#Pakistan: A “most wanted” commander of the ISKP, Shafiullah, has been killed, along with 2 of his associates, in an operation by Pākistāni security forces in the Sewai village of Mamond tehsil, Bajaur district. https://t.co/e4lt0EtFrL

— ???? (@cozyduke_apt29) June 28, 2023

پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا کہ سیکیورٹی فورسز نے ضلع باجوڑ کے علاقے عنایت قلعہ میں دہشت گردوں کی موجودگی کی خفیہ اطلاع کی بنیاد پر کارروائی کی۔

بیان میں کہا گیا کہ کارروائی کے دوران سیکیورٹی فورسز اور دہشت گردوں کے درمیان فائرنگ کا تبادلہ ہوا، جس کے نتیجے میں 3 دہشت گرد ہلاک ہوئے، جن میں دہشت گرد کمانڈر شفیع بھی شامل تھا۔

آئی ایس پی آر نے بتایا کہ مارے گئے دہشت گردوں کے زیر قبضہ اسلحہ اور بارود بھی برآمد کرلیا گیا اور مارے گئے دہشت گرد سیکیورٹی فورسز کے خلاف دہشت گردی کی کارروائیں کے ساتھ ساتھ معصوم شہریوں کے قتل میں بھی ملوث تھے۔

مزید بتایا گیا کہ علاقے سے دہشت گردوں کے خاتمے کے لیے کارروائی کی جارہی ہے اور شہریوں کی جانب سے اس کارروائی کو سراہا گیا اور دہشت گردی کا ناسور ختم کرنے کے لیے اپنے مکمل تعاون کا یقین دلایا۔