بلوچستان: سابق وزیر سردار در محمد ناصر کورونا وائرس سے انتقال کر گئے

کوئٹہ (ڈیلی اردو) صوبہ بلوچستان کے سابق صوبائی وزیر سردار در محمد ناصر کئی دن تک کورونا وائرس میں مبتلا رہنے کے بعد کراچی کے ایک نجی ہسپتال میں کرونا کے باعث انتقال کر گئے۔

#prominent politician #Former Provincial Minister #Balochistan #Sardar Dur Muhammad Nasar dies of #COVID19,@pmln_org @CMShehbaz pic.twitter.com/ykpkBeVjvc

— ???????? (@Info_Balochistn) June 8, 2020

سردار در محمد ناصر کے خاندانی ذرائع کے مطابق سابق صوبائی وزیر علالت کے بعد کراچی کے نجی اسپتال میں زیر علاج تھے لیکن جانبر نہ ہو سکے۔

ذرائع کے مطابق سردار در محمد ناصر کی میت تدفین کے لیے آبائی علاقے دکی لائی جائے گی۔

وزیراعلیٰ بلوچستان جام کمال خان نے سردار در محمد ناصر کے انتقال پر افسوس کا اظہار کرتے ہوئے کہا کہ سردار در محمد ناصر بااصول سیاستدان اور نفیس انسان تھے، اللہ پاک انھیں جنت الفردوس میں جگہ عطا فرمائیں۔

خیال رہے کہ اس سے قبل سندھ کے وزیر کچی آبادی غلام مرتضیٰ بلوچ، مسلم لیگ ن کے ایم پی اے شوکت چیمہ، تحریک انصاف کے ایم پی ایز جمشید کاکا خیل اور شاہین رضا بھی کورونا وائرس کے باعث انتقال کر چکے ہیں۔

پاکستان میں کورونا وائرس سے متاثر ہونے والے افراد کی تعداد 1 لاکھ 3 ہزار 671 افراد میں اس وائرس کی تشخیص ہو چکی ہے جب کہ 2 ہزار 67 افراد جان کی بازی ہار گئے ہیں۔