بلوچستان: سبی میں فائرنگ سے ایف سی کے 3 اہلکار ہلاک، 2 زخمی، مارگٹ سے 6 مزدور اغوا

اسلام آباد (ش ح ط) صوبہ بلوچستان کے ضلع سبی میں فائرنگ کے ایک اور واقعے میں فرنٹیئر کور کے تین اہلکار ہلاک ہوگئے ہیں۔

ذرائع کے مطابق سبی میں ایف سی کے اہلکار معمول کی گشت پر تھے کہ وہاں نامعلوم مسلح افراد نے ان پر حملہ کر دیا۔

اس حملے کے نتیجے میں کم از کم تین ایف سی کے اہلکار موقع پر ہی ہلاک ہوگئے ہیں اور دو زخمی ہوئے ہے۔

ہلاک ہونے والے اہلکاروں کی شناخت حوالدار علی زمان، سپاہی آصف اقبال اور زوہیب کے ناموں سے ہوئے ہیں۔

دوسری جانب کوئٹہ کے نواحی پہاڑی علاقے مارگٹ سے چھ مزدوروں کو اغوا کیا گیا ہے۔

انتظامیہ کے ذرائع نے ان افراد کے اغوا کی تصدیق کرتے ہوئے بتایا کہ یہ واقعہ مارگٹ کے علاقے میں پیش آیا۔

ذرائع کے مطابق یہ چھ افراد اس علاقے میں ایک تعمیراتی منصوبے پر کام کررہے تھے جہاں سے ان کو نامعلوم مسلح افراد نے اغوا کر لیا ہے۔

ذرائع کے مطابق اغوا کاروں نے تین مزدوروں کو چھوڑ دیا جبکہ باقی تین تاحال لاپتہ ہیں۔