بلوچستان: پولیو ٹیم پر فائرنگ، پولیس اہلکار ہلاک

کوئٹہ (نمائندہ ڈیلی اردو) بلوچستان میں پولیو ٹیم پر فائرنگ سے ایک  پولیس اہلکار ہلاک ہوگیا ہے۔

تفصیلات کے مطابق بلوچستان کے ضلع پشین میں پولیو ٹیم پر فائرنگ کا افسوسناک واقعہ پیش آیا ہے. جس کے نتیجے میں ایک پولیس اہلکار ہلاک ہوگیا ہے۔

صوبہ بلوچستان کے ضلع پشین کے علاقے کلی تراٹہ میں انسداد پولیو مہم کے دوران نامعلوم افراد کی فائرنگ سے پولیس حوالدار محمد ہاشم ہلاک ہوگیا، پولیو رضاکار محفوظ رہے۔ واقعے کی اطلاع ملنے پر پولیس کی بھاری نفری جائے وقوع پر پہنچ گئی۔حملہ آور فرار ہوگئے۔#Pishin #Balochistan #Pakistan

— Shabbir Hussain Turi (@ShabbirTuri) October 25, 2022

ڈی سی پشین کا کہنا ہے کہ ہلاک ہونے والے اہلکار کی شناخت حوالدار محمد ہاشم کے نام سے ہوئی ہے جبکہ مقتول محمد ہاشم کلی تراٹہ میں پولیو ٹیم کے ہمراہ ڈیوٹی پر موجود تھے۔

واقعے کے بعد پولیس نے علاقے کو گھیرے میں لے کر سرچ آپریشن شروع کردیا، پولیو مہم کے رضا کاروں کی سیکیورٹی بھی سخت کردی گئی۔

ڈپٹی کمشنر پشین یاسر خان بازئی نے پولیو ٹیم پر فائرنگ کے واقعے کا نوٹس لے لیا۔