بنوں میں نامعلوم افراد کی فائرنگ سے دو پولیس اہلکار ہلاک

بنوں (نمائندہ ڈیلی اردو) صوبہ خیبر پختونخوا کے ضلع بنوں میں نامعلوم افراد کی فائرنگ سے 2 پولیس اہلکار ہلاک ہوگئے ہیں۔

تفصیلات کے مطابق بنوں پولیس کے وائرلیس آپریٹر متعین تھانہ بکا خیل لطیف خان اور فرنٹیئر ریزرو پولیس اہلکار فرمان اللہ کو قتل کر دیا گیا ہے۔

https://twitter.com/ShabbirTuri/status/1512683450838310918?t=IkO9yt4stTHa0T5jTrQbIA&s=19

پولیس حکام کا کہنا ہے کہ دونوں پولیس اہلکاروں کو جانی خیل کے علاقے میں نامعلوم مسلح نقاب پوشوں نے فائرنگ کرکے قتل کیا۔

بنوں : نامعلوم شرپسندوں کی فائرنگ سے شہید ہونے والے پولیس اہلکاروں کی نماز جنازہ پولیس لائن میں سرکاری اعزاز کیساتھ ادا کردی گئی۔ نماز جنازہ میں ڈسٹرکٹ پولیس آفیسر عمران شاہد سمیت سرکل ایس ڈی پی اوز، ایس ایچ اوز و دیگر پولیس افسران کے علاؤہ شہید کے عزیز و اقارب نے بھی شرکت کی۔ pic.twitter.com/Osx65U2the

— KP Police (@KP_Police1) April 9, 2022

واضح رہے کہ نامعلوم حملہ آور جائے وقوعہ سے فرار ہوگئے جن کی تلاش جاری ہے۔