بنوں میں ٹھیکیدار کے گھر پر دستی بم سے حملہ

بنوں (ڈیلی اردو) صوبہ خیبر پختونخوا کے ضلع بنوں میں دہشت گردوں نے ادائیگی نہ کرنے پر ٹھیکیدار کے گھر پر دستی بم سے حملہ کردیا جس کے نتیجہ میں مکان کو جزوی نقصان پہنچا تاہم اہل خانہ معجزانہ طور پر بچ گئے۔

سرکاری ذرائع کے مطابق ضلع بنوں میں رات گئے نامعلوم افراد نے اسم خان ٹھیکیدار کے گھر پر ہینڈ گرینیڈ سے حملہ کیا گیا۔ اس حملہ میں ٹھیکیدار کے گھر کو جزوی نقصان پہنچا تاہم اہل خانہ معجزانہ طور پر بچ گئے۔

ذرائع کا کہنا ہے کہ گھر پر ہینڈ گرینیڈ حملہ میں گھر کے تمام مکین محفوظ رہے، جبکہ گھر والوں کی جوابی فائرنگ سے نامعلوم افراد فرار ہوگئے۔

پولیس نے جائے وقوعہ سے شواہد وغیرہ اکٹھے کرکے مقدمہ درج کرلیا۔

یاد رہے کہ نامعلوم افراد کی جانب سے اسم خان نامی ٹھیکیدار سے پہلے بھی 10 کروڑ بھتہ طلب کیا گیا تھا۔