بینظیر بھٹو کو قتل کروانے کا پہلا مشورہ آصف زرداری نے مجھ سے کیا تھا: پیپلز پارٹی رہنما کا دعویٰ

اسلام آباد (ڈیلی اردو) سابق پولیس آفیسر اور پاکستان پیپلز پارٹی کلچرل ونگ کے صدر صاحبزادہ عالمگیر نے انکشاف کیا ہے کہ سابق وزیراعظم بینظیر بھٹو کو قتل کروانے کا پہلا مشورہ آصف علی زرداری نے ان سے کیا تھا۔

صاحبزادہ عالمگیر نے نے دعویٰ کیا ہے کہ آصف علی زرداری نے ان سے کہا تھا کہ آپ مجھے اسٹیبلشمنٹ میں متعارف کروائیں، بینظیر بھٹو کو اب راستے سے ہٹا دینا چاہیے۔

https://twitter.com/OryaMaqboolJann/status/1203184995403280384?s=08

پیپلز پارٹی کلچرل ونگ کے صدر صاحبزادہ عالمگیر نے بتایا ہے کہ جب آصف زرداری نے ان سے یہ بات کی تو انہوں نے آصف زرداری سے پوچھا کہ اس بات کا کیا مطلب ہے تو آصف علی زرداری نے کہا کہ بیںظیر کو اب ریٹائر ہوجانا چاہیے جس پر صاحبزادہ عالمگیر نے ان سے کہا کہ ریٹائر ہونے اور راستے سے ہٹائے جانے میں بہت زیادہ فرق ہوتا ہے۔

صاحبزادہ عالمگیر نے نے بتایا ہے کہ میں نے آصف زرداری کو کہا کہ میں سمجھ رہا ہوں کہ آپ کیا کہہ رہے ہیں اور پھر ایک سال بعد ایسا ہی ہوا لیاقت باغ میں مقتل سجایا گیا جہاں بی بی کو قتل کردیا گیا۔

انہوں نے مزید کہا کہ مجھے 4 گھنٹے کا وقت دیا جائے تفتیش کرنے کیلئے تو 4 گھنٹے میں آصف علی زرادری کے گلے میں پھانسی کا پھندا ہوگا۔

انہوں نے کہا کہ بینظیر صاحب کو گاڑی سے سر باہر نکالنے کیلئے مجبور کیا گیا اور انہیں بھی ویسے ہی قتل کردیا گیا جیسے مرتضیٰ بھٹو کو قتل کیا گیا تھا۔

انہوں نے کہا کہ کیونکہ اس قتل کے بارے میں سب سے پہلا مشورہ مجھ سے کیا گیا اس لیے مجھے آرٹیکل 109 میں چالان کیا جائے۔

انہوں نے مزید بتایا ہے کہ آصف زرداری نے انہیں دبئی بھی بلایا تھا لیکن انہوں نے وہاں جانے سے انکار کر دیا اور بینظیر بھٹو جو اس وقت امریکہ میں تھیں انہیں ٹیلیفون کر کے آگاہ بھی کیا۔