تہران: ملا عبدالغنی برادر سمیت طالبان رہنماؤں کی ایرانی وزیر خارجہ سے ملاقات

تہران (ڈیلی اردو) افغان طالبان کے نائب امیر اور قطر میں طالبان کے سیاسی دفتر کے سربراہ ملا عبدالغنی برادر نے تہران میں ایرانی وزیر خارجہ جواد ظریف سے ملاقات کی اور دونوں ممالک اور خطے کی صورت حال پر تبادلہ خیال کیا۔

قطر میں طالبان کے سیاسی دفتر کے ترجمان محمد نعیم نے ٹوئٹر پر جاری بیان میں بتایا کہ اتوار کے روز وفود کی سطح پر ہونی والی ملاقات میں فریقین نے دونوں ممالک سے متعلق امور پر تبادلہ خیال کیا۔

1/2 Today, a meeting took place between the political deputy and head of the political office of the IEA, Mullah Abdul Ghani Baradar and the accompanying delegation, and the foreign minister of the Islamic Republic of Iran, Mohammad Javad Zarif. During the meeting, pic.twitter.com/Xq60aFesuj

— Dr.M.Naeem (@IeaOffice) January 31, 2021

محمد نعیم کے مطابق اچھے ماحول میں ہونے والی ملاقات میں افغانستان کے حالات، بین الافغان مذاکرات، دوحہ معاہدے پر مکمل عمل درآمد اور افغانستان اور خطے کی امن کی ضرورت پر تبادلہ خیال کیا گیا۔

ایرانی میڈیا کے مطابق وزیر خارجہ جواد ظریف کا کہنا تھا کہ ہم تمام نسلوں اور مذاہب کی موجودگی میں ایک جامع اسلامی ریاست کی حمایت کرتے ہیں، اور ہم اسے افغانستان کی ضرورت سمجھتے ہیں۔

جواد ظریف نے امریکا پر تنقید کرتے ہوئے کہا کہ وہ ایک اچھا ثالث اور حکمران نہیں ہے۔