جمرود علی مسجد خودکش دھماکے کا سہولت کار مبینہ مقابلے میں ہلاک

پشاور (ڈیلی اردو) صوبہ خیبر پختونخوا کے قبائلی ضلع خیبر علی مسجد خودکش دھماکے کا سہولت کار سی ٹی ڈی مقابلے میں مارا گیا۔

پولیس کے مطابق گزشتہ روز سور کمر کے علاقے میں سی ٹی ڈی اور دہشت گردوں کے درمیان فائرنگ کا تبادلہ ہوا۔
فائرنگ میں ایک مبینہ دہشت گرد ابوذر آفریدی مارا گیا۔ پولیس کے مطابق ابوذر آفریدی علی مسجد خوکش دھماکے کا سہولت کار تھا۔

مارا جانے والے ابوذر کا تعلق لنڈی کوتل کے علاقہ سلطان خیل سے تھا۔ انکی لاش جمرود ہسپتال منتقل کردی گئی ہے۔

یاد رہے 25 جولائی کو علی مسجد میں خودکش دھماکہ ہوا تھا جس میں ایڈیشنل ایس ایچ او عدنان آفریدی ہلاک ہوئے تھے۔

سی سی پی او پشاور اشفاق انور کے مطابق علاقے میں مشکوک افراد کی موجودگی کی اطلاع ملی تھی، جس پر ایڈیشنل ایس ایچ او اور ان کے ساتھ نفری وہاں پہنچی تو حملہ آور نے ان کو دیکھ کر وہاں سے فرار ہونے کی کوشش کی۔

ان کا کہنا تھا کہ پولیس نے حملہ آور کا تعاقب کیا اور اسی دوران حملہ آور مسجد کے اندر چلے گئے اور وہاں اس نے خود کو اڑا دیا، جس کے نتیجے میں ایڈیشنل ایس ایچ او جان سے گئے۔