جنوبی وزیرستان : فائرنگ سے امن کمیٹی کا کمانڈر ہلاک ، ایک زخمی

وانا(ڈیلی اردو)خیبرپختونخواہ کے شورش زدہ قبائلی ضلع جنوبی وزیرستان لوئر کے صدر مقام وانا کے علاقے ڈوگ میں نامعلوم مسلح افراد کی فائرنگ سے امن کمیٹی کے رکن  و ملا نذیر احمد گروپ کے کمانڈر محمد خالد خان اور نور غلام زخمی ہوگئے۔

ذرائع کے مطابق فائرنگ کے نتیجے میں کمانڈر محمد خالد خان کو شدید زخمی حالت میں ابتدائی طبی امداد کے بعد مزید علاج کے لیے ڈیرہ اسماعیل خان منتقل کیا جا رہا تھا، تاہم راستے میں وہ زخموں کی تاب نہ لاتے ہوئے ہلاک ہوگئے۔

دوسرے زخمی نور غلام کو ڈی ایچ کیو ہسپتال وانا منتقل کیا گیا، جہاں انہیں طبی امداد فراہم کی جا رہی ہے۔

پولیس کے مطابق فائرنگ کے واقعے کی وجوہات اور اس میں ملوث افراد کے بارے میں تاحال مزید معلومات سامنے نہیں آسکیں، جبکہ واقعے کی تحقیقات شروع کردی گئی ہیں۔