جنوبی وزیرستان میں آرمی پبلک اسکول کے قریب فورسز پر حملہ، ایک راہگیر ہلاک

وانا (د م و) صوبہ خیبر پختونخوا کے قبائلی ضکع جنوبی وزیرستان میں آرمی پبلک اسکول کے قریب فورسز پر حملے میں ایک شہری جاں بحق جب کہ ایف سی اہلکار زخمی ہوگیا۔

پولیس کے مطابق آرمی پبلک اسکول فار گرلز میں پیرنٹس ڈے کی تقریب کے دوران نامعلوم عسکریت پسندوں نے قریب میں موجود پہاڑ پر سے فائرنگ کی، حملے کے وقت اسکول میں موجود طلبا، والدین، عملہ اور سیکیورٹی اہلکار محفوظ رہے۔

پولیس اہلکار نے بتایا کہ فائرنگ سے ہلاک ہونے والے شہری کی شناخت مستی خان کے نام سے ہوئی ہے، متوفی اسکول کے قریب سے گزر رہا تھا کہ اسے گولی لگی جب کہ واقعہ میں زخمی سیکیورٹی اہلکار کو ہسپتال منتقل کیا گیا۔

ایک اہلکار نے بتایا کہ جیسے ہی سیکیورٹی فورسز نے جوابی کارروائی کی تو حملہ آور پاکستان _ افغانستان کے سرحدی علاقے کی جانب فرار ہو گئے۔

https://twitter.com/ShabbirTuri/status/1598252387625365504?t=RxXn-RwsjN2KsPwlFZJoaw&s=19

واقعے کے فوری بعد اسکول کے بچوں کو محفوظ مقام پر منتقل کردیا گیا۔