خیبر: باڑہ میں سپیرا ڈیم چوکی پر حملہ، دو ایف سی اہلکار زخمی

باڑہ (نمائندہ ڈیلی اردو) صوبہ خیبر پختونخوا کے قبائلی ضلع خیبر کی تحصیل باڑہ میں فرنٹیئر کور کی چوکی پر حملے میں دو ایف سی اہلکار زخمی ہو گئے ہیں۔

https://twitter.com/ShabbirTuri/status/1585164578924933121?t=YkdmtbP3iVKeXOjPFg0hpA&s=19

مقامی اہلکاروں نے ڈیلی اردو کو بتایا کہ یہ واقعہ منگل اور بدھ کی درمیانی رات گئے پیش آیا۔

اہلکاروں کے مطابق نامعلوم افراد نے رات کے وقت سپاہ میں سپیرا ڈیم کے قریب قائم چوکی پر حملہ کیا جس کے بعد کافی دیر تک دونوں جانب سے فائرنگ کا تبادلہ ہوتا رہا۔

ان کا کہنا تھا کہ اس واقعہ میں دو اہلکار زخمی ہوئے ہیں جبکہ حملہ آوروں کے نقصان کا علم نہیں ہو سکا۔

حملے میں زخمیوں کو سی ایم ایچ بنوں منتقل کر دیا گیا جہاں دو اہلکاروں کی حالت تشویشناک بتائی جاتی ہے۔

واقعے کے بعد پولیس اور سیکورٹی فورسز نے علاقےکو گھیرے میں لے کر سرچ آپریشن شروع کر دیا ہے۔

دوسری جانب حملے کی ذمہ داری کالعدم تنظیم تحریک طالبان پاکستان نے قبول کرلی۔