خیبر: جمرود میں چیک پوسٹ پر فائرنگ، دو پولیس اہلکار زخمی، ایک حملہ آور ہلاک

باڑہ (ڈیلی اردو) صوبہ خیبر پختونخوا کے قبائلی ضلع خیبر کی تحصیل جمرود میں کارخانوں وزیر ڈھنڈ خیبر پولیس چیک پوسٹ پر نامعلوم حملہ آور نے فائرنگ کردی اور حملہ آور فرار ہوگیا۔

تفصیلات کے مطابق جمرود کے کارخانوں وزیر ڈھنڈ میں ایک دہشت گرد کی پولیس اہلکاروں پر فائرنگ سے دو اہلکار شدید زخمی ہوئے اور جوابی حملے میں دہشت گرد مارا گیا۔

زخمی اہلکاروں کو فورآ ہسپتال منتقل کر دیا گیا جنکی حالت اب خطرے سے باہر ہے۔ ہلاک دہشت گرد کی شناخت یوسف ساکنہ اسپین قبر باڑہ کے نام سے ہوئی ہے۔

پولیس کے مطابق ملزم کے قبضے سے 4 عدد دستی بم، 5 عدد گرینڈ تھرو، ایک عدد نائن ایم ایم پستول اور کارتوس برآمد کرلی گئی ہے۔ مزید تفتیش جاری ہے۔