خیبر: وادی تیراہ سے اغوا ہونے والے پولیس اہلکار کی لاش برآمد

باڑہ (بیورو رپورٹ) صوبہ خیبر پختونخوا کے قبائلی ضلع خیبر کی دور افتادہ وادی تیراہ کے علاقے غلبئی سے پولیس اہلکار کی گولیوں سے چھلنی نعش برآمد ہوئی ہے۔

Policeman kidnapped and executed by TTP in Khyber. #Pakistan https://t.co/B3FQoeu9CD

— FJ (@Natsecjeff) July 6, 2023

تفصیلات کے مطابق منگل کی شام نامعلوم دہشت گردوں نے وادیٔ تیراہ میدان برقمبرخیل کے ایک کرکٹ گراؤنڈ سے پولیس اہلکار اجمل خان کو اغواء کر کے اپنے ہمراہ لے گئے تھے جن کی بعدازاں گولیوں سے چھلنی لاش ملی تھی۔

دوسری جانب کالعدم تحریک طالبان پاکستان نے اہلکار کو اغوا کرنے کے بعد اسے ہلاک کرنے کا دعویٰ کیا ہے۔

گزشتہ ہفتے سیکیورٹی فورسز اور مبینہ دہشت گردوں کے درمیان شمالی وزیرستان سے ملحقہ جنوبی وزیرستان اور ٹانک میں ہونے والی جھڑپوں میں دونوں جانب سے متعدد افراد ہلاک اور زخمی ہوئے تھے۔

بلوچستان کے مختلف علاقوں میں بھی اسی قسم کی جھڑپوں میں فوجی افسر سمیت سیکیورٹی فورسز کے متعدد افراد ہلاک ہوئے ہیں۔