خیبر: وادی تیراہ میں کمانڈنٹ کے کانوائے پر حملہ، دو فوجی زخمی

اسلام آباد (ش ح ط) قبائلی ضلع خیبر میں پاک افغان سرحد سے متصل وادی تیراہ میں پاکستان آرمی کے کانوائے پر حملے میں دو اہلکار زخمی ہو گئے۔

ذرائع کے مطابق صوبہ خیبر پختونخوا کے وادی تیراہ کے علاقے ملک دین خیل بارومی میں کمانڈنٹ کرنل خرم رشید اور کیپٹن سعد کے کانوائے پر حملہ ہوا ہے۔

https://twitter.com/ShabbirTuri/status/1562705422083309568?t=89iz6Ng68ACpgXLQktYRfg&s=19

ذرائع کے مطابق اس علاقے میں خیبر رائفلز کے کمانڈنٹ کرنل خرم رشید معمول کے گشت پر تھے۔ حملے کے نتیجے میں خیبر رائفلز کے دو اہلکار زخمی ہوگئے۔

ذرائع کے مطابق اس واقعے کے بعد حملہ آور فرار ہونے میں کامیاب ہو گئے۔

پاکستان فوج کے شعبہ تعلقات عامہ (آئی ایس پی آر) نے ابھی تک اس حملے کی تصدیق یا باضابطہ بیان جاری نہیں کیا ہے۔

دوسری جانب سیکورٹی فورسز نے علاقے میں سرچ آپریشن کا آغاز کردیا ہے۔