خیبرپختونخوا میں رواں سال دہشتگردوں کے 198 مالی معاونین کے خلاف کیسز رپورٹ

پشاور (ڈیلی اردو) صوبہ خیبرپختونخوا میں رواں سال دہشت گردوں کے 198 مالی معاونین کے خلاف کیسز درج ہوئے ہیں۔ اس حوالے سے جاری ہونیوالی دستاویز میں بتایا گیا ہے کہ پشاور ریجن میں سب سے زیادہ 71، خیبر میں 67 جبکہ قبائلی ضلع مہمند اور مردان میں 10، 10 کیسز رپورٹ ہوئے۔

دستاویز میں بتایا گیا ہے کہ دہشتگردوں کی مالی معاونت سے متعلق درج کیسز میں 65 افراد کا سراغ نہیں لگایا جا سکا جبکہ اس کے علاوہ خیبرپختونخوا میں دہشتگردوں کی مالی معاونت کرنے پر 777 افراد مقدمات میں نامزد ہوئے ہیں۔

ذرائع کے مطابق خیبرپختونخوا میں دہشت گردوں کی مالی معاونت کرنے والے محض 245 ملزمان گرفتار کئے جا سکے ہیں، نامزد ملزمان میں 15 افراد مارے گئے ہیں جبکہ دہشت گردوں کی مالی معاونت کرنے والے 14 ملزمان کو سزا مل چکی ہے۔