داسو بس حملہ کیس: دو ملزمان کو سزائے موت سنادی گئی

ابیٹ آباد (ڈیلی اردو) خیبر پختونخوا میں اپر کوہستان کے علاقے داسو میں میں دہشت گردی کے واقعہ میں ملوث دو ملزمان کو سزائے موت سنادی گئی۔

ایبٹ آباد میں انسداد دہشتگردی عدالت نے داسو دہشتگرد حملہ کیس میں دو ملزموں کو 13،13 بار سزائے موت اور 15،15 لاکھ جرمانے کی سزا سنادی۔

عدالت نے جرمانے کی عدم ادائیگی پر ایک سال اضافی قید کی سزا سنائی گئی۔ مجرمان میں محمد حسین اور ایاز شامل ہیں۔

انسداد دہشتگردی عدالت نے کیس میں ناکافی ثبوتوں کے بنا پر کیس میں نامزد 4 ملزمان کو بری کردیا۔

خیال رہے کہ گزشتہ سال جولائی میں اپر کوہستان کے علاقے داسو میں دہشتگرد حملے میں چینی انجینیئروں سمیت کم از کم 13 افراد ہلاک ہوئے تھے۔