روس کا بڑا حملہ، اپریل میں یوکرین پر ڈرونز کی ریکارڈ یلغار

کییف (ڈیلی اردو/اے ایف پی) روس کی یوکرین میں فوجی مداخلت کے ساتھ شروع ہونے والی اور کئی برسوں سے جاری جنگ میں ماسکو کی مسلح افواج نے یوکرین پر حملوں کے لیے اپریل کے مہینے میں طویل فاصلے تک مار کرنے والے جنگی ڈرونز کی ریکارڈ تعداد کا استعمال کیا۔

یوکرینی دارالحکومت کییف سے جمعہ یکم مئی کو ملنے والی رپورٹوں کے مطابق یہ بات نیوز ایجنسی اے ایف پی کی طرف سے جمع کردہ اعداد و شمار کے نتجے میں سامنے آئی۔ اے ایف پی نے اس ڈیٹا کی بنیاد یوکرینی فضائیہ کی اس رپورٹ کو بنایا، جس  میں جنگی ڈرونز کے ساتھ روسی حملوں کا ریکارڈ رکھا جاتا ہے۔

رپورٹوں کے مطابق یوکرین پر ان روسی حملوں میں اپریل میں طویل فاصلے تک پرواز کے بعد اپنے عسکری اہداف کو نشانہ بنانے والے 6,583 جنگی ڈرونز استعمال کیے گئے۔

پچھلے ماہ ماسکو نے اس جنگ میں ایک نئی ریکارڈ تعداد میں مسلح ڈرونز کا استعمال ایسے وقت پر کیا، جب اس روسی یوکرینی جنگ کے خاتمے کے لیے امریکی کوششیں عملاﹰ جمو دکا شکار رہیں۔

اس کے علاوہ یہ روسی حملے زیادہ تر رات کے بجائے دن کے وقت کیے گئے، تاکہ فوجیوں کے ساتھ ساتھ زیادہ سے زیادہ شہری بھی ان حملوں کی زد میں آ سکیں۔

اس سے قبل اسی سال مارچ کے مہینے میں بھی روس نے یوکرین پر جنگی ڈرونز کی ریکارڈ تعداد کے ساتھ فوجی حملے کیے تھے۔ تاہم اپریل میں بننے والا ریکارڈ مارچ میں بننے والا ریکارڈ سے بھی بڑا تھا۔

یوکرینی ایئر فورس کے ڈیٹا کے مطابق اس کی روس کی طرف سے فائر کیے گئے میزائلوں اور جنگی ڈرونز کو فضا میں ہی تباہ کر دینے کی شرح 88 فیصد بنتی ہے۔