روس کا فی الفور ایران کے خلاف امریکی پابندیوں کے خاتمے کا مطالبہ

نیو یارک (ڈیلی اردو/نیوز ایجنسی) اقوام متحدہ میں تعینات روسی نمائندے دیمیتری پولیانسکی نے کہا ہے کہ ایران کے خلاف امریکی پابندیاں عالمی قوانین کی خلاف ورزی ہے۔

غیر ملکی خبر رساں ادارے کے مطابق اقوام متحدہ میں تعینات روسی نمائندے دیمیتری پولیانسکی نے نیویارک میں اقوام متحدہ کی سلامتی کونسل کے اجلاس سے خطاب کرتے ہوئے ایران کے خلاف امریکی پابندیوں کی پالیسی کے خاتمے کا مطالبہ کیا۔

انہوں نے امریکی وزیر خارجہ کو مخاطب کرتے ہوئے کہا کہ امریکہ کو ایران کے ساتھ مذاکرات کے لیے سب سے پہلے ایران مخالف امریکی پابندیوں کو اٹھانا چاہیے۔

روسی عہدیدار نے امریکہ کی جانب سے قرارداد 2231 کی خلاف ورزی کوتنقید کا نشانہ بناتے ہوئے کہا کہ امریکہ بین الاقوامی قوانین کو نظر انداز کر کے اس قرارداد پر عمل درآمد کرنے والے ممالک کو سزا دے رہا ہے۔