ریاض: سعودی عرب اور ایران میں حج معاہدے پر دستخط

ریاض (ڈیلی اردو) سعودی وزارت حج و عمرہ نے ایران کی حج و زیارت تنظیم کے ساتھ نئے حج موسم کے انتظامات سے متعلق معاہدے پر دستخط کردیئے۔ ایران سے آنے والے حاجیوں اور سعودی عرب میں پیش کی جانے والی خدمات کی بابت تفصیلات طے کی گئیں۔

سعودی خبررساں ادارے کے مطابق سعودی وزیر حج و عمرہ ڈاکٹر محمد صالح بن طاہر بنتن سے ایرانی تنظیم برائے حج و زیارت کے سربراہ ڈاکٹر علی رضا رشیدیان نے ملاقات کی ہے۔

ڈاکٹر محمد صالح بن طاہر بنتن نے کہا کہ سعودی وزارت حج و عمرہ نے اس سال حج موسم کے لیے ایرانی حاجیو ںکے حوالے سے تمام انتظامات مکمل کرلیے۔ سعودی عرب، حرمین شریفین کی سرزمین میں ہر ملک، ہر قوم، ہر فرقے اور ہر مسلک کے حاجیوں کو خوش آمدید کہتا ہے۔