زیارت مقدسہ مریم کی تین روزہ تقریبات شیخوپورہ میں شروع ہوگئیں

شیخوپورہ (ڈیلی اردو) 70 واں زیارت مقدسہ مریم کی تین روزی تقریبات صوبہ پنجاب کے ضلع شیخوپورہ میں شروع ہوگئیں۔ جس میں پاکستان اور دنیا بھر سے لاکھوں زائرین شرکت کررہے ہیں۔

پنجاب حکومت نے زائرین کی سہولت کے لیے سیکورٹی پلان ترتیب دیا ہے جس کے تحت پولیس کے پانچ سو پولیس اہلکار ڈیوٹی کے فرائض سر انجام دیں گے۔ مریم آباد کے داخلی اور خارجی راستوں پر چیک پوسٹس قائم کردی گئی ہیں اور تمام علاقے کو خاردار تاروں سے بند کردیا ہے۔

مسیحی برادری کی طرف سے زیارت مقدسہ مریم کی ہونے والی تین روزہ تقریبات میں شرکت کرنے والے مسیحی زائرین کیلئے کیتھولک چرچ میں استقبالیہ کیمپ قائم کر دیا گیا، جہاں زائرین کیلئے 3 وقت کے لنگر کا خصوصی اہتمام کیا گیا ہے۔

میلے کی نگرانی سی سی ٹی وی کیمروں سے کی رہی ہے۔ میلے کی تقریبات کا آغاز پالکی کے جلوس سے ہوا۔ مقامی چرچ میں اتوار کے روز دعائیہ تقریب ہو گی۔