سندھ: کراچی میں امام مسجد کی ٹارگٹ کلنگ

کراچی (نمائندہ ڈیلی اردو) پاکستان کے صوبہ سندھ کے صوبائی حکومت کراچی میں نامعلوم مسلح افراد کی فائرنگ سے ایک امام مسجد ہلاک ہو گئے۔

پولیس کے مطابق واقعہ گھگھر پھاٹک پل کے قریب پیش آیا، جہاں مسلح افراد نے امام مسجد فتح محمد پر فائرنگ کی، جس کے نتیجے میں وہ ہلاک ہو گئے۔

پولیس کا کہنا ہے کہ فتح محمد نمازِ عشا کے بعد پورٹ قاسم میں واقع مسجد سے نکلے تھے کہ گھگھر پھاٹک کے قریب نامعلوم افراد نے انہیں نشانہ بنایا اور فرار ہو گئے۔

پولیس کے مطابق مقتول سے لوٹ مار نہیں کی گئی، جبکہ جائے وقوعہ سے موٹرسائیکل، پرس اور موبائل فون بھی ملا ہے۔ 

ابتدائی تحقیقات کے بعد پولیس کو شبہ ہے کہ واقعہ ٹارگٹ کلنگ ہو سکتا ہے، تاہم مختلف پہلوؤں سے تحقیقات جاری ہیں۔