سوات ایک بار پھر زلزلے سے لرز اٹھا

سوات (نمائندہ ڈیلی اردو) سوات اور گردونواح میں پھر زلزلے کے جھٹکے محسوس کئے گئے جس پر لوگ خوف و ہراس کا شکار ہو گئے اور گھروں سے باہر نکل آگئے تھے۔

واضح رہے کہ کل صبح اور دوپہر کو بھی سوات میں زلزلے کے جھٹکے محسوس کئے گئے تھے، جس پر لوگوںمیں خوف و ہراس پھیل گیا تھا اور لوگ کلمہ طیبہ کا وردکرتے ہوئے گھروں سے باہر نکل آئے۔

سوات میں اب پھر زلزلے کے جھٹکے محسوس کئے گئے ہیں، زلزلہ پیما مرکز کے مطابق ریکٹر سکیل پر زلزلے کی شدت 4.4 ریکارڈ کی گئی جبکہ زلزلے کی گہرائی 180 کلومیٹر اور مرکز کوہ ہندوکش کا پہاڑی سلسلہ تھا۔

زلزلے کے جھٹکے محسوس ہونے پر لوگ خوف و ہراس کا شکار ہو گئے اور گھروں سے باہر نکل آئے۔