سی ٹی ڈی کی پنجاب میں کارروائیاں، ٹی ٹی پی کے تین اہم کارکن سمیت 7 دہشت گرد گرفتار

لاہور (بیورو رپورٹ) کاؤنٹر ٹیررازم ڈیپارٹمنٹ (سی ٹی ڈی)ے پنجاب کے مختلف شہروں میں خفیہ اطلاعات پر کارروائیاں کرتے ہوئے کالعدم تحریک طالبان پاکستان (ٹی ٹی پی) کے 3 مبینہ دہشت گرد سمیت 7 ملزمان کو گرفتار کر لیا۔

ترجمان سی ٹی ڈی کے مطابق پنجاب کے مختلف شہروں میں 59 انٹیلی جنس بیسڈ اپریشن کیے گئے، یہ کارروائیاں لاہور، قصور، سرگودھا، بہاولپور اور بہاول نگر میں کی گئیں۔

ترجمان سی ٹی ڈی پنجاب نے بتایا کہ لاہور سے کالعدم ٹی ٹی پی کے 3 اہم کارکنان کو گرفتار کر لیا۔

مزید بتایا کہ دہشت گردوں سے بارودی مواد، ایک عدد ای ڈی بم، 2 عدد حفاظتی فیوز، پرائما کارڈ، موبائل فون اور نقدی برآمد کر لی۔

حکام نے بتایا کہ دہشت گردوں کی شناخت خان زمان، شاہ محمد،عابد، خالد محمود، عظیم، احمد شاہ اور نور کے نام سے ہوئی، دہشت گرد قانون ناقذ کرنے والے اداروں پر حملے کی منصوبہ بندی کر رے تھے۔