سی ٹی ڈی کے پنجاب بھر میں آپریشنز، کالعدم ٹی ٹی پی اور جماعت الاحرار کے کمانڈر سمیت 14 دہشت گرد گرفتار

لاہور (ڈیلی اردو) کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف شہروں میں کارروائی کرتے ہوئے 14 دہشت گردوں کو گرفتار کر لیا۔

حکام سی ٹی ڈی کے مطابق انٹیلی جنس بیسڈ آپریشن کے دوران 14دہشت گردوں کو گرفتا کیا گیا، کارروائی لاہور، خوشاب، فیصل آباد، گوجرانوالا، بہاولپور کے علاوہ ٹی ٹی سنگھ، گجرات اور ساہیوال میں کی گئی۔

ترجمان سی ٹی ڈی کے مطابق لاہور سے کالعدم تنظیم تحریک طالبان پاکستان (ٹی ٹی پی) اور جماعت الاحرار کا اہم کمانڈر گرفتار کرلیا گیا۔

ترجمان سی ٹی ڈی کے مطابق لاہور سے کالعدم تنظیم کے گرفتار کمانڈر کے قبضے سے بارودی مواد، 3 ہینڈ گرنیڈ، ڈیٹونیٹر، 15حفاظتی فیوز، پرائما کارڈ، موبائل فون اور نقدی برآمد کرلی گئی۔

سی ٹی ڈی حکام کا کہنا تھا کہ گرفتار کیے گئے دہشت گرد اہم تنصیبات پر حملےکی منصوبہ بندی کر رہے تھے۔