شام: حلب کے مرکزی بازار میں کار بم دھماکا، 2 بچوں سمیت 8 افراد ہلاک، 30 زخمی

دمشق (ڈیلی اردو) ترک سرحد سے قریب شام کے شمالی صوبہ حلب کے ایک پُرہجوم بازار میں کاع بم دھماکے کے نتیجے میں 2 بچوں سمیت 8 افراد ہلاک اور 30 زخمی ہو گئے۔

برطانوی نشریاتی ادارے بی بی سی کے مطابق ترکیہ کی سرحد کے قریب صوبہ حلب کے قصبے عزاز کے مرکزی بازار میں کار بم دھماکا ہوا، جس کے نتیجے میں قریبی عمارتیں تباہ ہوگئیں جبکہ قریبی گاڑیوں میں آگ لگ گئی۔

تاہم اب تک کسی بھی تنظیم یا گروپ نے حملے کی ذمہ داری قبول نہیں کی۔

دھماکے کے وقت بازار میں لوگوں کی بڑی تعداد موجود تھی جو عید الفطر کے لیے خریداری میں مصروف تھی۔

شام میں رضاکارانہ امدادی گروپ، وائٹ ہیلمٹس کے مطابق دھماکے میں ہلاک ہونے والے والوں میں 2 بچے بھی شامل ہیں جبکہ 30 افراد زخمی ہوگئے ہیں۔

3 civilians were killed (two children and an unidentified woman), and 5 civilians, including a child, were injured, in an initial toll after a car bomb explosion that occurred in a market in the city of Azaz, north of #Aleppo, after midnight today, Sunday, March 31.
Our teams… pic.twitter.com/DEzW1zkj6f

— The White Helmets (@SyriaCivilDef) March 30, 2024

واضح رہے کہ عزاز قصبے پر ملیشیاؤں کی حکومت ہے جو ملک میں جاری خانہ جنگی میں شامی صدر بشار الاسد کی مخالفت کر رہی ہیں۔

شمال مغربی سرحدی علاقے کے اہم قصبے حالیہ برسوں میں اکثر بم دھماکوں کی زد میں رہے ہیں۔

2017 میں قصبے کے کورٹ ہاؤس کے باہر ایک کار بم دھماکے میں 40 سے زائد افراد ہلاک ہو گئے تھے۔