شمالی وزیرستان میں سیکیورٹی فورسز کے ساتھ جھڑپ میں 2 دہشت گرد اور 2 اہلکار ہلاک، 2 گرفتار

راولپنڈی (ک م) صوبہ خیبر پختونخوا کے قبائلی ضلع شمالی وزیرستان میں سیکیورٹی فورسز اور دہشت گردوں کے درمیان جھڑپ میں 2 اہلکار اور 2 دہشت گرد ہلاک ہوگئے جبکہ دو دہشت گردوں کو گرفتار کرلیا گیا ہے۔

پاکستانی فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے اسپن وام میں فائرنگ کے تبادلے میں سیکیورٹی فورسز نے دہشت گردوں کے ٹھکانے کو نشانہ بنایا۔

https://twitter.com/ShabbirTuri/status/1630160790077706242?t=A-kjKh2BflQ1-evyKotEZg&s=19

فائرنگ کے تبادلے میں 2 دہشت گرد مارے گئے جبکہ 2 دہشت گردوں کو گرفتار کر لیا گیا، گرفتار دہشت گردوں سے اسلحہ اور گولیاں بھی برآمد کرلی گئیں۔

آئی ایس پی آر کے مطابق دہشت گردوں سے بہادری سے لڑتے ہوئے پاک فوج کے 2 اہلکار ہلاک ہوگئے، جن میں باجوڑ کے 25 سالہ سپاہی عمران اللہ اور اپر دیر کے 21 سالہ سپاہی افضال خان شامل ہیں۔

ترجمان پاک فوج کے مطابق یہ دہشت گرد سیکورٹی فورسز کے خلاف دہشت گردی کی کارروائیوں اور معصوم شہریوں کے قتل میں ملوث تھے۔

آئی ایس پی آر کا کہنا ہے کہ سیکیورٹی فورسز کی جانب سے علاقے میں ممکنہ دہشت گردوں کو ختم کرنے کے لئے سرچ آپریشن بھی کیا گیا۔

سیکیورٹی فورسز نے اس عزم کا اعادہ کیا کہ پاک فوج دہشت گردی کی لعنت کے خاتمے کے لئے پرعزم ہے اور ہمارے بہادر جوانوں کی قربانیاں ہمارے عزم کو مزید تقویت دیتی ہیں۔