شمالی وزیرستان میں کھلونا بم پھٹنے سے 7 سالہ بچہ ہلاک، خاتون اور دوسرا بچہ زخمی

میران شاہ (ڈیلی اردو) صوبہ خیبر پختونخوا کے قبائلی ضلع شمالی وزیرستان کے علاقے بکاخیل میں بم دھماکے میں کمسن بچہ ہلاک اور خاتون سمیت 2 افراد زخمی ہوگئے۔

پولیس کے مطابق شمالی وزیرستان کے علاقے بکا خیل میں کھلونا بم کے دھماکے میں 7 سالہ بچہ ہلاک جبکہ خاتون سمیت 2 افراد زخمی ہوگئے۔

پولیس کا کہنا ہے کہ ہلاک ہونے والے بچے کو گھر کے قریب کھلونا کرکٹ بیٹ اور گیند ملی تھی، بچہ یہ چیزیں گھر لا کا کھیلنے لگا جس میں اچانک دھماکا ہوگیا۔

پولیس کے مطابق دھماکے میں ہلاک ہونے والے 7 سالہ بچے کی شناخت ذبیح اللہ کے نام سے ہوئی جبکہ زخمیوں میں 12 سالہ وسیم اللہ اور 28 سالہ خاتون بھی شامل ہے۔

پولیس کا کہنا ہے کہ بچے کی لاش اور زخمیوں کو نزدیکی ہسپتال منتقل کردیا گیا۔