عوام نے نئے پاکستان کیلئے ووٹ دیا، اب بھکتے: شاہد خاقان عباسی

اسلام آباد (ڈیلی اردو) سابق وزیر اعظم شاہد خاقان عباسی کہتے ہیں عوام نے نئے پاکستان کے لیے ووٹ دیا، اب بھکتے۔ حکومت اگر آٹا دے نہیں سکتی تو شرمندہ تو ہوجائیں۔ احتساب عدالت نے ایل این جی ریفرنس میں سابق وزیراعظم شاہد خاقان عباسی کے جوڈیشل ریمانڈ میں 4 فروری تک توسیع کردی۔

احتساب عدالت کے جج اعظم خان نے ایل این جی ریفرنس پرسماعت کی، مفتاح اسماعیل حاضری سے استثنی کے باعث پیش نہ ہوئے، عدالت نے شاہد خاقان عباسی کے جوڈیشل ریمانڈ میں 4 فروری تک توسیع کردی۔

دیگر ملزمان کوحاضری یقینی بنانے کیلئے ایک کروڑروپے کے مچلکے جمع کرانے کا حکم دیتے ہوئے سماعت ملتوی کردی۔

میڈیا سے گفتگومیں شاہد خاقان عباسی پارٹی سے ناراضی کی تردید کی، آٹے کے بحران پربولے کہ نیا پاکستان ہے، لوگ روٹی کھانا چھوڑدیں تو مسئلہ ہی ختم ہوجائے حکومت اپنی ناکامی پرشرمندہ بھی نہیں۔

سابق وزیراعظم کا یہ بھی کہنا تھا کہ بدقستمی سے اسمبلی چل ہی نہیں رہی، صرف ایک بل بڑی مشکل میں منظور ہوا۔ الیکشن کمیشن کے ارکان کی تعیناتی پر بیٹھ کر بات کرنا اچھا ہے۔