غزہ میں فضائی حملہ: الجزیرہ ٹی وی کے صحافی کی اہلیہ اور دو بچے ہلاک

غزہ (ڈیلی اردو/وی او اے/الجزیرہ) غزہ پر بمباری کے نتیجے میں عرب ٹی وی الجریزہ کے صحافی وائل الدحدوح کی اہلیہ اور دو بچوں سمیت خاندان کے چار افراد ہلاک ہو گئے ہیں۔

‘الجزیرہ ٹی وی’ کی رپورٹ کے مطابق وائل الدوحدوح الجزیرہ کی عربی سروس کے بیورو چیف ہیں جن کے نصیرات کیمپ میں واقع گھر پر اسرائیل نے بدھ کو فضائی کارروائی کی۔ اسرائیلی حملے میں ہلاک ہونے والوں میں صحافی کی اہلیہ، ایک بیٹا، بیٹی اور پوتا شامل ہے۔

BREAKING: The wife, son and daughter of Wael Al-Dahdouh, Al Jazeera Arabic’s bureau head in Gaza, have been killed in an Israeli air raid https://t.co/kaf1moxPRa pic.twitter.com/bw0l8NQIZd

— Al Jazeera English (@AJEnglish) October 25, 2023

‘الجزیرہ’ کی رپورٹ کے مطابق صحافی کا خاندان نصیرات پناہ گزین کیمپ میں مقیم تھا جو اسرائیل کی فضائی کارروائی کی لپیٹ میں آیا۔

Al Jazeera condemns killing of journalist Wael Al-Dahdouh’s family in Gaza https://t.co/rLPjFrNcQ1

— Al Jazeera English (@AJEnglish) October 26, 2023

دوسری جانب نصیرات کیمپ پر فضائی کارروائی سے متعلق اسرائیل کی جانب سے کوئی بیان سامنے نہیں آیا ہے۔

صحافی وائل الدوحدوح کے مطابق جس وقت ان کا خاندان اسرائیلی حملے کی زد میں آیا اس وقت وہ یارموک کے علاقے میں رپورٹنگ میں مصروف تھے۔

‘الجزیرہ ٹی وی’ نے وائل الدوحدوح کی مختلف ویڈیوز جاری کی ہیں جن میں انہیں اپنے 15 سالہ بیٹے محمود، سات سالہ بیٹی شام کی لاشوں کے پاس دیکھا جا سکتا ہے۔

لحظة وصول مراسل #الجزيرة وائل الدحدوح إلى المستشفى إثر خبر استشهاد أفراد من عائلته بعد قصف إسرائيلي استهدف منزلا نزحوا إليه في مخيم النصيرات وسط #غزة#حرب_غزة pic.twitter.com/w99SAthF5G

— قناة الجزيرة (@AJArabic) October 25, 2023

رپورٹ کے مطابق وائل الدوحدوح کے بیٹے یحیٰ زخمی ہوئے ہیں جن کے سر پر چوٹیں آئی ہیں جب کہ خاندان کے دیگر افراد ملبے تلے دبے ہیں جن کی تلاش کا عمل جاری ہے۔

واضح رہے کہ فلسطینی عسکری تنظیم حماس کی جانب سے سات اکتوبر کو اسرائیل پر حملے کے بعد اسرائیل کی طرف سے جوابی کارروائی کا سلسلہ جاری ہے۔ اب تک اس جنگ کے دوران دونوں جانب چھ ہزار سے زائد افراد ہلاک ہو چکے ہیں جن میں خواتین اور بچوں کی بھی بڑی تعداد شامل ہے۔

اسرائیل نے غزہ پر ابتدائی حملوں کے بعد حماس کے خلاف زمینی کارروائی کا اعلان کرتے ہوئے حکم دیا تھا کہ لوگ غزہ کے جنوب میں منتقل ہو جائیں۔

اسرائیلی فورسز کے حکم کے بعد الجزیرہ کے صحافی وائل الدوحدوح کا خاندان بھی غزہ کے جنوب میں واقع نصیرات پناہ گزین کیمپ منتقل ہو گیا تھا جسے جنگ کے دوران محفوظ تصور کیا جا رہا تھا۔