فاشسٹ مودی یاد رکھیں کشمیریوں کو شکست نہیں دی جا سکتی: وزیراعظم عمران خان

اسلام آباد (ڈیلی اردو) وزیراعظم عمران خان کا کہنا ہے کہ تاریخ کا سبق ہے کہ جدوجہد آزادی کیلئے ایک ہوجانے کے بعد کوئی قوم موت سے نہیں ڈرتی، اور اس قوم کو دنیا کی کوئی طاقت مقصد کے حصول سے نہیں روک سکتی۔

تفصیلات کے مطابق وزیراعظم عمران خان نے ٹویٹر پر پیغام جاری کرتے ہوئے کہا کہ فاشسٹ مودی حکومت یاد رکھے کہ کشمیریوں کی جدوجہد آزادی کو شکست نہیں دی جا سکتی، طاقت سے صرف فوج اور دہشتگردوں کو ہرایا جا سکتا ہے، کشمیری موت سے نہیں ڈرتے ہیں، دنیا کی کوئی طاقت کشمیریوں کو اپنے مقصد کے حصول سے نہیں روک سکتی ہے۔

That is why the Hindutva exclusivist creed of the Modi-led Govt with its fascist tactics in IOK will fail miserably in its attempt to smother the Kashmiri liberation struggle.

— Imran Khan (@ImranKhanPTI) August 16, 2019

وزیراعظم کا کہنا تھا کہ وادی میں ہندو توا نظریے پر مبنی کارروائیاں بری طرح ناکام ہوں گی، کشمیریوں کی جدو جہد آزادی دبانے کیلئے مودی حکومت کے فاشٹ ہتھکنڈے ناکام ہوں گے، آزادی کیلئے متحد قوم کا راستہ نہیں روکا جا سکتا ہے ۔

یہی وجہ ہے کہ مودی سرکار میں ہندوتوا کا پجاری ٹولہ مقبوضہ کشمیر میں اپنے تمام سفاکانہ حربوں اور ہتھکنڈوں سمیت منہ کے بل گرے گا اور کمشیریوں کی جدوجہد آزادی کا گلہ گھونٹنے کی انکی تمام کوششیں بری طرح ناکام ہوں گی۔

— Imran Khan (@ImranKhanPTI) August 16, 2019

واضح رہے کہ مسئلہ کشمیر پر پچاس سال بعدسیکیورٹی کونسل کا ہنگامی اجلاس بلایا گیا ہے، سفارتی ذرائع کے مطابق سلامتی کونسل پاکستان اوربھارت کے درمیان تصفیہ طلب معاملے پر مبنی ایجنڈے کے تحت جموں و کشمیر کی صورتحال پر غور کرے گی۔