فرانس میں مسلم خواتین پر نئی پابندی عائد

پیرس (ڈیلی اردو) فرانسیسی حکومت کا مسلم مخالف ایک اور فیصلہ سامنے آگیا، فرانسیسی حکومت اور قانون ساز اداروں کی جانب فرانس میں بسنے والے مسلمانوں کیخلاف آنے والے فیصلوں کا سلسلہ بند نہ ہوا اور مسلم خواتین پر حجاب پہن کر کھیلوں کے مقابلے میں شرکت پر پابندی عائد کر دی گئی۔

فرانسیسی میڈیا کی رپورٹ کے مطابق فرانسیسی حکومت اور قانون ساز اداروں نے مسلم خواتین پر حجاب پہن کر کسی بھی قسم کے کھیل میں شرکت پر پابندی عائد کر دی، یہاں قابل ذکر بات یہ ہے کہ پابندی کا جواز اسلام مخالف نہیں بلکہ ڈسلپن کی خلاف ورزی کو بنیاد بنا یا گیا۔

اس سلسلے میں فرانسیسی سینٹ نے حجاب پہن کر کھیلوں کے مقابلوں میں شرکت پر پابندی کی قرارداد منظور کرلی ہے۔

حجاب پر پابندی کے حق میں 160 اور مخالفت میں 143 ووٹ ڈالے گئے۔ حجاب پر پابندی کی ترمیمی قرارداد انتہاپسند دائیں بازو کے گروپ نے دی تھی۔

قرارداد میں کھیلوں کے مقابلوں میں حجاب پہن کر شرکت پر پابندی کے لئے ڈسپلن کی خلاف ورزی کا جواز بنایا گیا ہے۔