لبنان: اسرائیل کے ڈرون حملے میں حزب اللہ کے 2 کمانڈرز ہلاک

بیروت (ڈیلی اردو) لبنان میں اسرائیلی ڈرون حملے میں حزب اللہ کے کمانڈرز ہلاک ہوگئے ہیں۔

عالمی خبر رساں ادارے کے مطابق حزب اللہ کے ترجمان نے اپنے دو کمانڈرز علی احمد فقیہ اور ابراہیم الزین کے ہلاکت کی تصدیق کرتے ہوئے کہا کہ کمانڈرز کی ہلاکتوں پر سوگ منایا گیا۔

لبنان کے ایک سیکیورٹی ذرائع نے بتایا کہ مشرقی لبنان میں ایک کار کو نشانہ بنایا گیا جس میں ایک شامی شخص ہلاک اور دوسرا زخمی ہوگیا تھا، بعد ازاں زخمی شخص بھی دوران علاج چل بسا، ممکنہ طور پر یہ دونوں ہی حزب اللہ کے کمانڈرز تھے۔

یاد رہے کہ 7 اکتوبر کو حماس نے اسرائیل پر حملہ کیا تھا جس میں بچوں اور عورتوں سمیت 1500 اسرائیل ہلاک ہو گئے تھے جب کہ 250 کو یرغمال بنالیا گیا تھا، اس حملے کی ذمہ داری حماس نے قبول کی تھی اس حملے میں حماس کی حمایت حزب اللہ نے کی تھی۔