لکی مروت: مسلح افراد نجی سکول کے پرنسپل کو اغوا کر لیا

لکی مروت (ڈیلی اردو) پاکستان کے شورش زدہ صوبہ خیبر پختونخوا کے ضلع لکی مروت کے تھانہ تجوڑی کی حدود ٹھوڑی بازار کے قریب نامعلوم مسلح افراد نے ایک نجی سکول کے پرنسپل کو اغوا کر لیا۔

پولیس ذرائع کے مطابق مسلح افراد نے اسلحے کی نوک پر پرنسپل برکت اللہ کو زبردستی گاڑی میں بٹھا کر اغوا کیا۔ اغوا کار ایک فلائنگ کوچ نما گاڑی میں سوار تھے۔

رپورٹ کے مطابق ملزمان پرنسپل کی موٹرسائیکل بھی ساتھ لے گئے اور واردات کے بعد موقع سے فرار ہو گئے۔

واقعے کے بعد پولیس نے علاقے میں ناکہ بندی کر دی ہے جبکہ داخلی و خارجی راستوں پر سخت چیکنگ شروع کر دی گئی ہے۔ 

حکام کا کہنا ہے کہ مغوی کی بازیابی کے لیے سرچ آپریشن بھی جاری ہے۔