مردان میں نامعلوم افراد کی فائرنگ سے ایک پولیس اہلکار ہلاک، دوسرا شدید زخمی

اسلام آباد (ش ح ط) صوبہ خیبر پختونخوا کے ضلع مردان کی تحصیل کاٹلنگ میں پولیس اہلکاروں پر نامعلوم مسلح افراد کی فائرنگ سے ایک پولیس اہلکار ہلاک اور دوسرا شدید زخمی ہوگیا۔

https://twitter.com/ShabbirTuri/status/1546788492948439040?t=ng8i-SWaQlookyiRnJD1zg&s=19

تفصیلات کے مطابق کاٹلنگ کے علاقے غونڈو میں پولیس اہکاروں پر نامعلوم مسلح افراد کی فائرنگ پولیس اہلکار عطا اللہ ہلاک اور عنایت نامی اہلکار شدید زخمی ہوگیا۔

مسلح افراد نے پولیس اہلکاروں پر اس وقت فائرنگ کی جب وہ مقامی ہوٹل میں کھانے کیلئے بیٹھے ہوئے تھے۔

زخمی اہلکار کو طبی امداد کے لیے مقامی ہسپتال منتقل کردیا گیا۔

پولیس نے ملزمان کی گرفتاری کے لیے علاقے میں سرچ آپریشن شروع کر دیا ہے۔

ابھی تک کسی تنظیم کی طرف سے اس حملے کی ذمہ داری قبول نہیں کی گئی ہے۔

وزیراعلیٰ خیبرپختونخوا محمود خان نے پولیس پارٹی پر بزدلانہ حملے کی شدید مذمت کرتے ہوئے پولیس حکام سے واقعے کی رپورٹ طلب کرلی ہے۔