مقبوضہ کشمیر میں بگڑتی صورتحال علاقائی امن کیلئے خطرہ ہے: آرمی چیف قمر جاوید باجوہ

راولپنڈی (ڈیلی اردو) پاک فوج کے سربراہ جنرل قمر جاوید باجوہ نے کہا ہے کہ مقبوضہ کشمیر میں بگڑتی صورتحال علاقائی امن کے لیے خطرہ ہے۔

COAS visited HQ Gujranwala Corps, briefed about operational preparedness.
“Solidarity displayed by the nation with Kashmiri brethren during Kashmir Hour today is a strong message to the world. Deteriorating situation in IOJ&K is threat to regional peace”, COAS. pic.twitter.com/fwjM03BHTW

— DG ISPR (@OfficialDGISPR) August 30, 2019

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے گوجرانوالہ کور ہیڈ کوارٹر کا دورہ کیا، آرمی چیف کو گوجرانوالہ کور کی پیشہ وارانہ تیاریوں پر بریفنگ دی گئی۔

آئی ایس پی آر کے مطابق سربراہ پاک فوج جنرل قمر جاوید باجوہ کا کہنا تھا کہ مقبوضہ کشمیر کی بگڑتی صورتحال خطے کے امن کے لئے خطرہ ہے، قوم نے کشمیر آور کے دوران کشمیریوں سے بھر پور یکجہتی کا مظاہرہ کرتے ہوئے دنیا کو بھرپور پیغام دیا۔