ملک کی سرحدوں کی حفاظت سے زیادہ مقدم کچھ نہیں، آرمی چیف عاصم منیر

راولپنڈی (ڈیلی اردو) آرمی چیف جنرل عاصم منیر نے کہا ہے کہ ملک کی سرحدوں کی حفاظت سے زیادہ مقدم کچھ نہیں۔

General Syed Asim Munir, COAS, spent the Eid day with troops deployed along Pak-Afghan Border at Bajaur. COAS offered Eid prayer with the officers and troops and appreciated their high morale. pic.twitter.com/I3newlI5YK

— PTV News (@PTVNewsOfficial) April 22, 2023

پاکستانی فوج کے شعبہ تعلقات عامہ آئی ایس پی آر کے مطابق آرمی چیف جنرل عاصم منیر نے پاک افغان سرحد کا دورہ کیا اور وہاں موجود فوجی جوانوں کے ساتھ عید منائی۔

اس موقع پر آرمی چیف نے افسران اور جوانوں کے بلند حوصلے کو سراہا اور کہا کہ پاک فوج سرحدوں کے دفاع کے لیے پُرعزم ہے۔

آرمی چیف جنرل عاصم منیر نے کہا کہ فوج ملکی سالمیت کو یقینی بنانے اور خطرات کو ناکام بنانے کے لیے ہمہ وقت تیار ہے۔

انہوں نے کہا کہ وطن کے محافظ اپنے پیاروں سے دور فرائض کو مقدم رکھتے ہیں، عید پر وطن کے دفاع کے لیے جانوں کا نذرانہ پیش کرنے والوں کو نہیں بھولنا چاہیے۔

آرمی چیف جنرل عاصم منیر نے شہدا کو خراجِ تحسین بھی پیش کیا اور شہدا کے اہلِ خانہ کے لیے نیک خواہشات کا اظہار کیا۔

آئی ایس پی آر کے مطابق آرمی چیف نے جوانوں اور افسران کی آپریشنل تیاری اور مستعدی کو سراہا۔