نوشہرہ میں سی ٹی ڈی کی کارروائی میں کالعدم تنظیم کے دو دہشت گرد ہلاک

نوشہرہ (ڈیلی اردو) صوبہ خیبر پختونخوا کے ضلع نوشہرہ میں کاؤنٹر ٹیررزم ڈیپارٹمنٹ (سی ٹی ڈی) کی کارروائی کے دوران فائرنگ کے تبادلے میں کالعدم تنظیم کے 2 دہشت گرد ہلاک ہوگئے۔

سی ٹی ڈی کے مطابق سی ٹی ڈی کی جانب سے نوشہرہ کے علاقے علاقہ تھانہ مصری بانڈہ گاؤں نندرک میرہ میں خفیہ اطلاع پر کارروائی کی گئی۔

کارروائی کے دوران سی ٹی ڈی اور دہشت گردوں کے درمیان فائرنگ کا تبادلہ ہوا، فائرنگ کے تبادلے میں 2 دہشت گرد مارے گئے۔

سی ٹی ڈی ترجمان کے مطابق دہشت گردوں کے قبضے سے اسلحہ برآمدکرلیا گیا ہے

سی ٹی ڈی کے مطابق ہلاک ہونے والے ایک دہشت گرد کی شناخت شیر علی کے نام سے ہوئی جبکہ دوسری کی شناخت تاحال نہ ہوسکی۔ جبکہ مارے جانے والے دہشت گردوں کی لاشیں ہسپتال منتقل کردی گئیں۔

سی ٹی ڈی کے مطابق تھانہ سی ٹی ڈی کوئٹہ میں مذکورہ واقعے کا مقدمہ درج کرکے اس نیٹ ورک کے باقی ارکان کی گرفتاری کے لیے تحقیقات شروع کر دی گئی ہیں