وادی نیلم: بھارتی فوج کی کیرن سیکٹر پر شدید گولہ باری، ایک بچی شہید، 4 مکانات تباہ

مظفرآباد (ڈیلی اردو) بھارتی فوج کی جانب سے وادی نیلم کے مختلف علاقوں جورا، بگنہ، اٹھمقام، لالہ، اشکوٹ، سالخلہ، پالڑی و دیگر علاقوں میں بلااشتعال گولہ باری اور شدید فائرنگ سے تین سے چار شہریوں کے مکانات تباہ، ایک کمسن بچی شہید، وادی نیلم میں ٹیلی فون سروس معطل ہونے کے باعث رابطے محدود ہیں جس کے باعث مزید نقصانات کی اطلاع نہیں مل سکی۔

سرکاری ذرائع کے مطابق ہفتے کے روز کی گئی وحشیانہ بمباری کے نتیجے میں کیرن سیکٹر میں لائن آف کنٹرول پر واقع بگنہ گائوں میں کئی مکانات جل کر خاکستر ہوگئے۔

Residential houses Still Burning after drop after droped #Indian Mortar Shells on the woddon houses in Bugna Village Near Ceasfire Line #CFL #NeelumValley #Pakistan Administered #Kashmir #StopsTorgetingCivilianes pic.twitter.com/J81ISCAaIk

— Amiruddin Mughal (@MughalAmiruddin) December 21, 2019

ذرائع کے مطابق فائرنگ اور گولہ باری کے باعث ایک کم سن بچی شہید ہوئی ہے۔

بھارت کی جانب سے دن گیارہ بجے دعویٰ کیا گیا کہ آزاد کشمیر کے علاقہ کیرن پر بھارتی فوج نے اپنا قبضہ جمالیا ہے جس کی عسکری ذرائع نے تردید کرتے ہوئے اس جھوٹا پراپیگنڈہ قرار دیا۔

دریں اثناء پاک فوج بھارتی افواج کی چوکیوں کو نشانہ بنایا ہے، بگنہ کے پار مقبوضہ وادی میں بھارتی فوج کی چوکیاں تباہ ہوئی ہیں جس کی تصویر سوشل میڈیا پر وائرل ہوئی ہے جس سے آگ کے شعلے بلند ہورہے ہیں۔

Exclusive Footage of Brining Residential Houses due to #IndianArmy Shelling on residents Balor Khan and Nazir Khan houses in Bugna Village of #NeelamValley, while Indian Media is disseminating fake news that they've destroyed terror camps. But this is civilian population area. pic.twitter.com/FoiZjQFeG9

— Amiruddin Mughal (@MughalAmiruddin) December 21, 2019

اس سے قبل بھارتی فوج نے بگنہ آزادکشمیر میں شہری آبادی پر گولے داغے جس سے بگنہ کے شہریوں نمبردار بلوری خان اور ان کے بھائیوں سردار نذیر بلوری و دیگر کے مکانات مکمل طور پر جل کر راکھ کا ڈھیر بن گئے ہیں تاہم جانی نقصان نہیں ہوا۔

کثیرالمنزلہ دیودار کی لکڑی کے مکانات ہونے کے باعث مکانات میں شدید آگ بھڑک اٹھی، بھارتی فوج نے ریسکیو 1122 اور ایمبولینسز کو جانے سے بھی روکا اور ان پر بھی فائرنگ کی ہے تاہم متاثرہ مقام پر فائر بریگیڈ کی گاڑیاں پہنچنے میں کامیاب ہوئی ہیں۔

ادھر دوسری جانب مظفرآباد سے نیلم کے لیے مسلسل کئی روز سے پاک فوج کے ہیلی کاپٹرز کی دن رات غیر معمولی پروازیں جاری ہیں جس کے باعث عوام میں بے چینی پائی جارہی ہے، خصوصاً بھارت کی جانب سے میڈیا پر جنگی صورتحال کو بڑھا چڑھا کر پیش کرنے کی خبروں کے بعد کنٹرول لائن کے دونوں اطراف کے کشمیریوں کی پریشانیوں میں اضافہ ہوا ہے۔