واٹس ایپ صارفین کو بڑی مشکل سے نجات ملنے کا امکان

واشگنٹن (نیوز ڈیسک) واٹس ایپ انتظامیہ نے صارفین کو ایک بڑی مشکل سے نجات دلانے کا فیصلہ کرلیا ہے جس پر کام تیزی سے جاری ہے۔

غیرملکی خبررساں ادارے کے مطابق واٹس ایپ استعمال کرنے والوں کو اس وقت کافی مشکل ہوتی ہے جب کوئی اچانک انہیں کسی بھی چیٹ گروپ میں شامل کردیتا ہے جس کے بعد بحالت مجبوری انہیں اس گروپ سے خود کو نکالنا مشکل ہوجاتا ہے۔

تاہم اب واٹس ایپ نے اس مسئلے حل نکالنے کا فیصلہ کرلیا ہے، اس فیچر کی آزمائش واٹس ایپ کے آئی او ایس بیٹا ورژن میں ہورہی ہے۔

گروپ انوی ٹیشن نامی اس فیچر کو ڈبلیو اے بیٹا انفو نامی گروپ نے سب سے پہلے دیکھا اور اس فیچر کی بدولت صارفین کو ان کی مرضی کے بغیر کسی گروپ میں شامل کرنا ممکن نہیں ہوگا۔

اس فیچر کے تحت صارف کو تین آپشن ملیں گے جیسے ایوری ون کو منتخب کرنے سے اسے کوئی بھی واٹس ایپ گروپ میں شامل کرسکتا ہے۔

مائی کانٹیکٹس نامی آپشن سے اس صارف کے کانٹیکٹس میں شامل افراد ہی اسے کسی گروپ کا حصہ بناسکیں گے جبکہ تیسرا نو باڈی کا آپشن ہے جس کے تحت گروپ ایڈمن گروپ میں شمولیت کے اس صارف کو ایک درخواست بھیجے گا جو 72 گھنٹے بعد ایکسپائر ہوجائے گی۔

واٹس ایپ گروپ سے تنگ افراد کے لیے انہیں میوٹ کرنے کا آپشن موجود ہے جس کے تحت وہ 8 گھنٹے، ایک ہفتے یا ایک سال کے لیے گروپ کو میوٹ اور نوٹی فکیشن ڈس ایبل کرسکتے ہیں۔