وزیراعظم اور صدر مملکت کی شمالی وزیرستان میں دہشتگردی کے واقعے کی شدید مذمت

اسلام آباد (ڈیلی اردو) وزیراعظم عمران خان اور صدر مملکت ڈاکٹر عارف علوی نے شمالی وزیرستان میں دہشتگردی کی مذمت کی ہے۔

وزیر اعظم عمران خان نے شمالی وزیرستان میں ہونے والے دہشتگرد حملے کی سخت مذمت کی اور پاک فوج کی قربانیوں کو خراج تحسین پیش کیا۔ انہوں نے کہا کہ چند دشمن عناصر قبائلی علاقوں کے غیور عوام کو ورغلا رہے ہیں، مگر ریاست ان عناصر کو امن میں خلل ڈالنے کی اجازت نہیں دے گی۔

I salute the sacrifices & bravery of our soldiers in keeping us safe. The whole nation stands behind them. https://t.co/uYpmfY2iHP

— Imran Khan (@ImranKhanPTI) June 7, 2019

جبکہ صدر مملکت ڈاکٹر عارف علوی نے شمالی وزیرستان میں دہشتگرد حملے کی شدید الفاظ میں مذمت کرتے ہوئے پاک فوج کے تین افسران اور ایک جوان کی شہادت پر گہرے دکھ اور غم کا اظہار کیا ہے۔ انہوں نے کہا کہ شرپسند عناصر قبائلی علاقوں کے امن کی بحالی کے دشمن ہیں۔ قوم ان ناپاک سازشوں کے خلاف متحد ہے۔