وزیراعظم عمران خان چار روزہ دورے پر چین پہنچ گئے

بیجنگ (نیوز ڈیسک) وزیراعظم عمران خان بیجنگ میں ایک خطہ ایک شاہراہ فورم کے موقع پر رہنمائوں کی گول میز کانفرنس میں بھی شرکت کریںگے جس میں38ملکوں کے رہنما شریک ہوںگے۔

وزیراعظم کانفرنس کی پہلی نشست سے خطاب کریں گے۔وہ متعدد سربراہان مملکت اور حکومت سے ملاقاتیں کریںگے جن میں صدر شی چن پنگ ‘ وزیراعظم لی کی کیانگ اور کاروباری رہنمائوں سے ان کی ملاقاتیں شامل ہیں۔ پاکستان اور چین مختلف شعبوں میں دوطرفہ تعاون بڑھانے کیلئے مفاہمت کی کئی یادداشتوں اور معاہدوں پر دستخط کریں گے

وزیراعظم فورم کے بعد اتوار کو پاکستان بزنس اورسرمایہ کاری فورم سے خطاب کریں گے جس میں ممتاز پاکستانی اور چینی تاجر شرکت کریںگے۔

وزیراعظم صدر شی چن پنگ اوردوسرے عالمی رہنمائوں کے ہمراہ بیجنگ میں باغبانی سے متعلق بین الاقوامی نمائش بھی دیکھیں گے ۔