وینزویلا: صدر نکولس کا تختہ الٹنے کی کوشش ناکام، 8 حملہ آور ہلاک، 2 گرفتار

کراکس (ڈیلی اردو) وینزویلا میں سمندر سے دراندازی کر کے صدر نکولس مادورو کو معزول کرنے کے لیے دہشت گردی کی کارروائیاں کرنے والے 8 مبینہ حملہ آوروں کو ہلاک کر دیا گیا۔

Venezuela says it has foiled an armed invasion launched from Colombia. Interior Minister Nestor Reverol said on state television that Venezuelan forces overcame the “mercenary terrorists” and that there were casualties. https://t.co/DA0HDdlbdJ

— The Associated Press (@AP) May 3, 2020

وینزویلا کے وزیر داخلہ نیسٹر ریورول نے بتایاکہ کولمبیا میں تشکیل دیے گئے گروپ نے تیز رفتار کشتیوں کے ذریعے دارالحکومت کاراکاس سے تقریباً ایک گھنٹے کی مسافت پر واقع میکوٹو کے ساحل سمندر پر اترنے کی کوشش کی جسے فوج اور خصوصی پولیس یونٹوں کے ذریعہ ناکام بنا دیاگیا۔

https://twitter.com/camilateleSUR/status/1256963936093683712?s=19

نیسٹر ریورول نے بتایا کہ اس کارروائی کے دوران 8 حملہ آور مارے گئے جب کہ دو گرفتار کر لیا گیا، حملہ آوروں کی باقیات کے لیے فضائی، سمندری اور زمینی سرچ آپریشن جاری ہے۔

دوسری جانب کولمبیا نے وینزویلا کی حکومت کے اس بیان کو بے بنیاد قرار دیا ہے۔ خیال رہے کہ وینزویلا نے گذشتہ سال کولمبیا کے ساتھ اپنے سفارتی تعلقات منقطع کر دیے تھے۔

Venezuelan government claims it has repelled a U.S. and Colombia-backed invasion by boat on main port city https://t.co/rwSKYfQLne

— Daily Mail Online (@MailOnline) May 4, 2020

وزیر داخلہ نے کہا کہ ’کولمبیا سے آنے والے دہشت گرد کرائے کے سپاہیوں کے گروہ نے سمندر کی جانب سے حملہ کرنے کی کوشش کی تاکہ ملک میں دہشت گردانہ کارروائی کرے اور انقلابی حکومت کے رہنماؤں کا قتل کر سکے۔‘

وینزویلا کی حکومت کے مطابق یہ گروپ دارالحکومت کراکس سے 34 کلومیٹر شمال کے فاصلے پر موجود مکوٹو شہر میں اترا تھا۔