ٹانک: سکیورٹی فورسز اور دہشگردوں کے درمیان فائرنگ، 2 دہشت گرد ہلاک

ٹانک (نمائندہ ڈیلی اردو) صوبہ خیبر پختونخوا کے ضلع ٹانک میں سکیورٹی فورسز نے دہشت گردوں کی موجودگی کی خفیہ اطلاع پر آپریشن کیا جس کے نتیجے میں ٹی ٹی پی کے دو دہشت گرد ہلاک ہوگئے ہیں۔

ٹانک کے علاقے کوٹ پٹھان میں سیکیورٹی فورسز کا سرچ آپریشن، فائرنگ کے تبادلے میں 2 مطلوب دہشت گرد مولوی کریم اور شعیب مارے گئے۔ #TTP #Tank #Pakistan

— Shabbir Hussain Turi (@ShabbirTuri) May 1, 2023

تفصیلات کے مطابق ٹانک کے علاقے پٹھان کوٹ کے قریب کیے گئے سیکورٹی فورسز کے آپریشن میں دہشت گردوں سے فائرنگ کا شدید تبادلہ ہوا۔ دو طرفہ فائرنگ کے نتیجے میں دو دہشت گرد ہلاک ہوئے جبکہ ذرائع نے دعویٰ کیا گیا ہے کہ آپریشن میں ہلاک دہشت گردوں کا تعلق کالعدم ٹی ٹی پی کے گنڈا پور سے تھا۔

سکیورٹی فورسز نے کامیاب آپریشن کے دوران پٹھان کوٹ کے علاقے سے بھاری مقدار میں اسلحہ، گولہ بارود اور دھماکہ خیز مواد بھی برآمد کر لیا۔

حکام کا کہنا ہے کہ دہشت گردی کے خلاف کارروائیاں جاری رہیں گی۔