ٹانک میں پولیس چیک پوسٹ کو دھماکے سے اڑا دیا گیا

ٹانک (نمائندہ ڈیلی اردو) صوبہ خیبر پختونخوا کے ضلع ٹانک میں نامعلوم افراد نے پولیس چیک پوسٹ کو دھماکے سے اڑا دیا۔

ضلع ٹانک میں نامعلوم افراد نے پولیس چیک پوسٹ دولت کورونہ کو دھماکے سے اڑا دیا، پولیس کے مطابق دھماکے سے کسی قسم کا جانی نقصان نہیں ہوا۔#Tank #Pakistan

— Shabbir Hussain Turi (@ShabbirTuri) October 23, 2022

پولیس کے مطابق ٹانک میں چیک پوسٹ دولت کورونہ کو نامعلوم افراد نے بارودی مواد سے اڑا دیا۔ شرپسند رات کی تاریکی سے فائدہ اٹھاتے ہوئے فرار ہونے میں کامیاب ہوگئے۔

مقامی حکام کا کہنا ہے کہ واقعے کے وقت چیک پوسٹ پر کوئی موجود نہیں تھا اس لئے کسی قسم کا جانی نقصان نہیں ہوا۔ پولیس نے شواہد اکٹھے کرکے تفتیش شروع کردی ہے۔

پولیس کے مطابق دھماکے سے کسی قسم کا جانی نقصان نہیں ہوا۔

دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی۔

ترجمان محمد خراسانی نے دعوی کیا ہے کہ ٹانک کے علاقے دولت خیل میں تحریک طالبان پاکستان کے مجاہدین نے پولیس چوکی، جو گزشتہ چند دنوں سے مجاہدین کی راہ میں حائل تھی، کو مائن کے ذریعے اڑا دیا۔