ٹانک میں کار پر فائرنگ، ایک وکیل ہلاک، وکیل سمیت دو افراد شدید زخمی

ٹانک (ڈیلی اردو) صوبہ خیبر پختونخوا کے ضلع ٹانک میں ایک کار پر نامعلوم افراد کی فائرنگ سے ایک وکیل ہلاک جبکہ وکیل سمیت دو افراد زخمی ہوگئے ہیں۔

https://twitter.com/ShabbirTuri/status/1612789537322795009?t=I5z6sR-oVuqezOm–BMXrA&s=19

ٹانک کے تھانہ گل امام کی حدود میں نامعلوم افراد نے وکلاء کی کار پر فائرنگ کردی، واقعے میں ایڈووکیٹ دلنواز کنڈی موقع پر ہی ہلاک ہوگئے جبکہ دوسرا وکیل مصطفیٰ کنڈی اور گن مین شدید زخمی ہوگئے۔

پولیس کے مطابق واقعے کی اطلاع ملتے ہی ریسکیو ٹیمیں اور پولیس جائے وقوعہ پر روانہ ہوگئی، لاش اور زخمیوں کو مقامی ہسپتال منتقل کردیا گیا۔

پولیس نے شواہد اکٹھے کرتے ہوئے واقعے کی تحقیقات کا آغاز کردیا۔

گزشتہ چند ماہ سے خیبرپختونخوا میں دہشت گردی کے واقعات میں اضافہ ہوگیا، جس میں سیکیورٹی فورسز کے اہلکاروں اور معروف شخصیات کو نشانہ بنایا جارہا ہے۔